කුසේ සිටින පුංචි පැටියාගේ මනස

ගර්භණී මවකගේ දෙවෙනි මාසය වන විට කලල රූපයේ ඇස්,කන් සහ නාසය යන ඉන්ද්‍රියන් ඉතා පැහැදිලිව දැකගත හැකියි.ඒ වගේම පස්වන මාසය පමණ වන විට කලලය සම්පූර්ණයෙන්ම වර්ධනය වන අතර මවගේ කුසේදිම විවිධ ශබ්දයන් ශ්‍රවනය  කිරීමේ  හැකියාව මේ කුසේ ඉන්න පුංචි පැටියාට ලැබෙනවා.අපි හැමෝම දන්නවා සංගිතය කියන්නේ ඖෂධයක්.වෛද්‍ය විශේෂඥවරුන්ද විවිධ පර්යේෂණ මගින් සනාථ කර ඇත්තේ සංගීතය යනු මනස සැහැල්ලු කරගැනීමට සහ සන්සුන් කරගැනීමට ගත හැකි දිව්‍යමය ඖෂධයක් බවයි.ගැබිණි මව්වරුන්ට සිය මානසික යහපැවැත්ම මනාව පවත්වා ගැනීමට මෙන්ම කුසේ වැඩෙන පුංචි පැටියාගේ මානසික යහ පැවැත්මටත් මනා අත්වැලක් වෙනවා.සාමාන්‍යය කාන්තාවකට වඩා ගර්භණී මවක් ඉක්මනින් මානසික පීඩනයන්ට ලක් වෙනවා.ගර්භණී කාලය පුරාවටම ඇයගේ ශරීරයේ සිදුවන වෙනස්කම් මෙයට බලපානවා.ඒ නිසා ඇය ඉක්මනින් කෝපයටත්,දුකටත් පත්වෙනවා.මේ මානසික පීඩනයෙන් මිදීමට හොදම විසදුම තමයි සංගීතයට සවන් දීම.